ديوان: قاعدة بيانات الشعر العربى والمترجم والإقتباسات.


قصيدة: براءة الأخت

الشاعر: مظفر النواب

الشاعر: مظفر النواب

أنت مثقف ... شارك هذه القصيدة مع أصدقائك

قصيدة براءة الأخت للشاعر مظفر النواب | ديوان الشعر

خوية كابلت السجن حر وبرد

ليلي ونهاري

اتحملت لاجلك شتايم

على عرضي واشعلت بالليل ناري

تالي تهتكني بخلك وصلة جريدة

كرت عيونك ياخويه بهاي جازيت انتظاري

بهاي أكابل كل إخت تنتظر منك ثار يا

خويه لعرضها

بهاي اكابل امهات الناس وهمومي افضها

جنت اررضة تدوس بعظامي واكلك حيل رضها

جنت ارضه تذبح ابطني جنيني

ولا براءة عار متبركع تجيني

ولك كون الكاع تبلعني وشخبرالناس والينشد شكله

شلون عيني اتجابس عيون المحلة

اشلون اوصفك وانته كلك عار وذله

بعد ما لك عرف ويانه وخبزلا تصل يمنه

هاك اخذ عار الجريده

ولف ضميرك والكرامه وعار اسمنه

مثل ما تبريت من شعبك تبرينا من اسمك

ويا شعب هذا التشوفه موش ابنه موش لبنه